Gagnavarslan ehf.

Hefur tekið yfir rekstur prentþjónustufyrirtækisins Aðstoð 3D ehf.

Og flyst starfsemi þess að Grænásbraut 720, Ásbrú.

Aðstoð hefur frá stofnun lagt áherslu á teikningaprentun og ljósritunarþjónustu ásamt alhliða hönnun og frágangi prentaðs efnis. Þessu til viðbótar bætist nú við sérþekking starfsmanna Gagnavörslunnar á sviði skönnunar og skráningar.Yfirtakan er liður í að efla þjónustu Gagnavörslunnar enn frekar og er góð viðbót við núverandi starfsemi. Gagnavarslan er þekkingarfyrirtæki á sviði skjala- og upplýsingastýringar  og varðveislu gagna. Fyrirtækið veitir ráðgjöf í skjala- og upplýsingastjórnun, gæðamálum, verkefnastjórnun og stefnumótun.  Þá hefur fyrirtækið verið að þróa mjög öflugt skjala- og upplýsingastýringarkerfi.  Sérhæfðir starfsmenn bjóða upp á skönnun og skráningu fyrir viðskiptavini, auk pökkunar á gögnum og varðveislu á pappírsskjölum, munum, listaverkum og menningarminjum.
Með yfirtökunni leitast Gagnavarslan við að svara kröfum fyrirtækja og einstaklinga á Suðurnesjum um aukna þjónustu á þessum sviðum og byggja upp enn öflugri starfsemi á Ásbrú. Viðskiptavinir gera sífellt meiri kröfur um fjölbreytta þjónustu og fyrirtækið leggur metnað sinn í að koma til móts við þær.